ഒരായിരം വാക്കുകള് ഒരുമിച്ചു ചേര്ത്താലും
ഒന്നിനോടും പകരം നില്ക്കാത്ത രണ്ടക്ഷരങ്ങള്.
അടിവയറ്റിനുള്ളില് കൈ-കാലിട്ടടിക്കുമ്പൊഴും
അന്തരാത്മാവില് മാതൃത്വത്തിന്റെ അനുഭൂതി
നുകരുന്ന അതുല്യ പ്രതിഭാസം.
ഞരമ്പുകള്ക്കിടയില് നിന്നും നോവിന്റെ
കിരണങ്ങളുയരുമ്പോള്
'ഇതെന്റെ സ്വന്തം രക്തമെന്ന്'
അഭിമാനം കൊള്ളുന്ന സൂര്യതേജസ്.
ഗര്ഭപാത്രത്തിനകത്തും പുറത്തും യാതൊരു
പോറലുമേല്പ്പിക്കാതെ അതിസൂക്ഷ്മ-നിരീക്ഷണം
നടത്തുന്ന വാല്സല്യവാരിധി.
എത്ര പറഞ്ഞാലും പാടിയാലും,
വരച്ചാലും കുറിച്ചാലും തീരാത്ത മഹാകാവ്യം..!
No comments:
Post a Comment